Ballade de la belle heaumière aux filles de joie
From The Art and Popular Culture Encyclopedia
|
Related e |
|
Featured: |
"Ballade de la belle Heaulmiere aux filles de joie" is a poem by Villon. It has been translated as "Doctrine of the Fair Helm-maker to the Light o' Loves."
Full text
« Or y pensez, belle Gantiere Qui escoliere souliez estre, Et vous, Blanche la Savetiere, Or est il temps de vous cognoistre : Prenez a destre et a senestre, N'espargniez homme, je vous prie, Car vielles n'ont ne cours ne estre Ne que monnoye qu'on descrye.
« Et vous, la gente Saulcissiere, Qui de dancer estes adestre, Guillemete la Tappiciere, Ne mesprenez vers vostre maistre : Tost vous fauldra clore fenestre ; Quant deviendrez, vielle, fleterye, Plus ne servirez q'un viel prestre Ne que monnoye c'on descrye.
« Jehanneton la Chapperonniere, Gardez qu'amy ne vous empestre ; Et Katherine la Bourciere, N'envoyez plus les hommes paistre, Car qui belle n'est ne perpestre Leur male grace mais leur rie, Laide viellesse amour n'impestre Ne que monnoye c'on descrye.
« Filles, vueilliez vous entremectre
D'escouter pourquoy pleure et crye :
Pource que je ne me puis mectre
Ne que monnoye c'on descrye.»
